Bavika kê Hemman (Hemo)

Bavika mi/ma ra vanê kê Hemman. Hemo pawkalikê ma yo en (tewro) pîlo. Hemo dewa Terxenî ra hamo dewa Himbêlî di bi ca bîyo. Terxene dawa Polo ya. Welî, birayê bawkalikê ma Hemo zî dewa Terxenî di mendo. Him hetê ma, him hetê dat Welî, pîlanê bavika ma çewerî namê may û pî yê bawkalikê ma Hemo û dat Welî nêzana.

Dewijê dewa Himbêlî bavika ma ra vanê kê Hemman. Cenîya bawkalikê ma Hemoy namê ja çîyo ez nêzana, pîlanê bavika ma zî çewerî nêzana. Bawkalikê ma Hemo namê keyna xwi Zilvi panawo. Mumkuno û îhtîmalo pîl, bawkalikê ma Hemo namê marda xwi keynada xwi ra nawo.

Bawkalikê ma Hemo çi wext dewa Terxenî ra hamo Himbêl di bi ca bîyo, ez nêzana. Pî mi/ma Hecî yê Sejik zî nêzana. Pî mi Hecî yê Sejik qirnê (jeneraxonê) çeherino. Teqrîbena çarsey- ponsey serri esto bawkalikê ma Hemo Palo dewa Terxenî ra hamo dewa Himbêlî di bi ca bîyo. Keyna bawkalê ma Ehmedî ´ema ma Hewik (Hewik ´ema Hecî yê Sejika),  vatênê  lajê bira yê bawkalikê ma Hemoy dat Welî (Sofî Sincar) dem dem Palo dewa Terxenî ra hameynê kêdê ma. Dat welî marê bi çiwalan gozî ardênê.

Peynamê bavika ma bi tirkî Üzel nûsîya wo. Peynamê datîzanê ma yê ki Palo dewa Terxenî dê Ergînöz nûsîya wo.

Laj û keynê bawkalikê ma Hemoy û …: Zilvi, Silêman û Mist (Mistafa). Namê cenîya bawkalikê ma Hemoy çîyo ez nêzana. Pîlanê bavika ma zî çewerî nêzana.

Laj û keynê ´ema ma Zilvi û Îboy Şemî: Yew keyna jîn peyda bîya. Keyna ´ema ma Zilvi des-duyes serre ya xwi di merda. Ez namê ja nê zana, pîlanê bavik zî çewerî nêzana. ´Ema Zilvi semedo ki kej û sûrikin bî, dewijanê dewa Himbîlî tira vatênê vila Hemman. Yew midet ra pey ´Ema ma Zilvi û Îbo yê Şemî yewinî verra dawo. Enê verradayîşî ra pey ´ema ma Zilvi dewa Hop di yew kirdî reydi zewjîyaya.

Laj û keynê ´ema ma Zilvi û kirdî: Helik. Namê kirdî çîyo ez nêzana. Yew midet ra pey kird merdo. Dim ra ´ema ma Zilvi rana dewa Hopi di yew Mîrîy rey di zewjîyaya.

Laj û keynê ´ema ma Zilvi û Mîrî: ´Eyşik û Xeyrîya. Namê mîrî çîyo ez nêzana. Zilvi keyna Hemo yê Hemmana.

Şaxê hetê kê bawkalikê mi/ma Silêman

Laj û keynê bawkalikê ma Silêmanî û…: Ehmed, Zilkîf û ´Eyşik. Bawkalikê ma Silêman namê keynda xwi ´Eyşik panawo. Ez rind emîn nîya, ez texmîn kena û îhtîmalo gird ´Eyşik namê marda bawkalikê ma Silêman î yo. Keyna bawkalikê ma Silêman î ´ema ma´Eyşik bavika kê ´Evdoyan ra Hesê ´Evdoy reydi zewjîyaya. Silêman lajê Hemo yê Hemmano. Dewijê dewa ma bawkalikê ma Silêmanî ra heze leqmatik, vatênê Silê Hemmî ya zî Silêmanê Hemman.

Laj û keynê Ehmed û Hewik: ´Evdila (Abdulla), Topo, Hewik û Xanik. Ehmed pîyê `Evdila yo. ´Evdila pîyê Hecî yê Sejiko. Ehmed bawkalê Hecî Sejik o. Hewik cenîya bawkalê ma Ehemedî, bavika kê ´Eloy Ciboyan ra keyna Qasoy û Besika. Bawkalikê ma Ehmed namê keynada xwi Xanik panawo. Mumkuno ki Xanik namê marda bawkalikê ma Ehemedî yo. Ehmed lajê Silêmanê Hemmano. Bawkal Ehmed çi wext marda xwi ra bîyo ez nêzana. Cenîya bawkal Ehmedî dapîra ma Hewik serra 1887 di marda xwi ra bîya.

Laj û keynê dat Topo: Nêzewjîya wo. Biray dat Topo bawkalê ma ´Evdila serra 1925 di serehewanayîşê şêx Seîdî di nabênê Gêl û Amed girê Wisivekan di şehîd kewto. Serehewanayîşê şêx Seîdî wexta ki şikîyawo, eskerê dewleta Tirkya vîsto dewa ma ser, adir bi banê bawkalê mi ´Evdilay ra nawo, veşnawo. Dim ra eskerê dewleta Tirkîya mîyanê dewa Himbêlî di iskence bi dat Topo kerdo. Enê îskencî serra yew midet vîyarto, biray bawkalê ma ´Evdila, dat Topo zî şehîd bîyo. Hewik (´ema Hecî yê Sejik) waya dat Topo vatê biray mi Topo yew do sûrik, ten kej û çimê jê kesk û lîlikin bî. Dat Topo lajê Ehmedê Silêmanê Hemman û Hewika Qaso yê pîlî ya. Dat Topo datê Hecî yê Sejiko.

Laj û keynê ´Ema ma Hewik: Nêzewjîyaya. ´Ema Hewik waya bawkalê ma ´Evdila û yê dat Top o ya. ´Ema ma Hewik, ´ema pêrdê Hecî yê Sejika. Ema Hewik serra 1905 di marda xwi ra bîya. ´Ema ma Hewik des sereya xwi di nêweşîya êşê serî ra wirdî çimê xwi vinî kerdbî. Ma heme laj û keynê Hecî yê Sejik hinda marda xwi ´ema ma Hewik ra heskerdênê. ´Ema ma Hewiki 80 serrî ´emmir kerd. `Ema ma Hewik serra 1985 di aşma omnanî di wefat kerd. Homa rehma xwi bi ´ema ma Hewik biko, ruhê ja şad, cay ja cennet di mîyanê gul û sosinan di bo. ´ ´Ema Hewik keyna Ehmedê Silêmanê Hemman û Hewik a Qasoy pîlî ya.

Laj û keynê ´ema ma Xanik û Zilvî (Ut): Mihemed. Mihemed lajê ´ema ma Xanik eskerêya tirkan ra tevdîlhewa hamo keye. Teqrîbena yew aşim ra pey ´emizay ma Mihemed nêweşîya sîroz ra merdo. ´Ut  bavika kê Kêwan ra lajê Safiko. ´Ema Xanik keyna Ehmedê Silêmanê Hemman û Hewik a Qaso yê pîlî ya.

Laj û keynê bawkalê ma ´Evdila û dapîra ma Sejik: Hecî, (pî mi/ma), Meyrik û Xanik. ´Evdila lajê Ehmedê Silêmanê Hemman û Hewik a Qasoy pîlî ya. Bawkal ´Evdila pî yê Hecî yê Sejik o. Bawkalê ma ´Evdila serra 1894 di marda xwi ra bîyo. Bawkalê ma ´Evdila serehewanayîşê şêx Seîdî di aşma adari serra 1925 di nabênê Gêl û Amed di gêrê Wisivekan di şehîd kewto.

Bawkalê ma ´Evdila wexta ki serehewonayîşê şêx Seîdî şehîd bîyo, pî ma Hecî çeher (4) serre bî yo. Pî yê ma Hecî, namê marda xwi Sejik sero şinasîyawo. Eno sebep ra şarê dewa Himbêlî û yê dewanê dormî pêrdê ma ra vatênê Hecî yê Sejik. Dapîra ma Sejik bavika kê ´Elo yê Mexso yê Mistê Sen ra keyna´Elî û Meyrika. Meyrik maya dapîra ma Sejik, bavika kê Orîyan ra waya Momo ya.

`Ema ma Meyrik, (waya Hecî yê Sejik) dapîra ma Sejik namê marda xwi keynada xwi ra nawo. ´Ema ma Meyrik verê lajê Xelîlê ´Erikan, Zilvî (biray marda ma wo) yê ´Erkan rey di zewjîyaya. Pî ma Hecî yê Sejik û lajê Xelîlê ´Erikan xalê ma Zilvî wayê xwi yewbînan rê berdêl kerdê. Dîrê serrî ra pey xalê ma Zilvî û ´ema ma Meyrik yewinî verra dawo. Dim ra hîrê çeher serrî ra pey ´ema Meyrik bavika kê Êloyan ra Mehmedê Êloy rey di zewjîyaya. Kulfetê ´ema ma Meyrik û yê xalê ma Zilvî yê Xelîlê ´Erikan mi hetê bavika kê ´Erikan sero nûştê. ´Ema mi Meyrik serra 1924 di marda xwi ra bîya û 25.3.2008 di wefat kerdo. Homa rehma xwi bide biko, cay ja cennet di mîyanê gul û sosinan di bo. ´Ema ma Meyrik keyna ´Evdila yê Ehmedê Silêmanê Hemmana.

´Ema ma Xanik: ´Ema ma Xanik lajê xaldê xwi Kerîm, Adoy reyda zewjîyaya.  Enê zewajî ra pey ´ema ma Xanik yew laj ardo dinîya. Di aşmî ra pey ´ema ma Xenik merda. ´Ema Xanik wexta ki mertda ciwan bîya. Homa rehma xwi bide biko, cay ja cennet di mîyanê gul û sosinan di bo. `Ema ma Xanik keyna Sejik û ´Evdila yê Ehmedê Silêmanê Hemmana. Ado lajê Xerîm´î yo. Kerîm biray dapîra ma Sejiko. Mi kulfetê ´ema ma Xanik, hetê bavika kê xal Kerîmî sero nûştê.

Laj û keynê ´ema ma Sêmik û ´Ebas: Ahmet, Seboy, Guloy û Remzîya. ´Ebas dewa Zirkan ra wo. Zirkan dewa Erxenî ya.´Ema ma Sêmik may ra waya Hecî yê Sejika. Dapîra ma Sejik verê ki bawkalê ma ´Evdilay reydi bizewjîyo, verê dewa Şilbetan ra Bekoy rey di zewjîyaya. Wexta ki dapîra ma Sejik û Beko yewînî verra dawo, ´ema ma Sêmik dîrê serre bî ya. ´Ema ma Sêmik bawkalê ma ´Evdilay heti bîya gird. ´Ema ma Sêmik nêweşîya qanserî ra der dorê 70 serrêya xwi di serri 1983 di merd. Homa rehma xwi bide biko,  ca ja cennet di mîyanê gul û sosinan di bo.

Lajê keynê Hecî yê Sejik û Fatma Xelîlê ´Erikan: Adem, Zilkîf, ´Evdila, Ehmed, Xanik, Mihmed, Xeyrîya, Miherem û Kemal. Yew waya ma zî ki namê ja Xanik bî, şenêkê di merda. Hecî lajê  Sejik û ´Evdila yê Ehmedê Silêmanê Hemmano. Pî ma Hecî yê Sejik serra 1921 di marda xwi ra bîyo û 19.3.2017 di şaristanê Amed di kê Biray ma Ademî di şew teqrîben seet der û dorê 21.00 di merdo. Maya ma Fatma serra 1921 di marda xwi ra bîya û 9.12.2016 di dewa Himbêlî di mîyanê banê ma di wefat kerdo.

Laj û keynê biradê ma Adem û Xejo: Henifa, Zilvîya, Ayten, Mihemed Emîn (Memo), Feyzullah, Songul, Zelal, Nurten, Fatoş û Emrah. Xejo bavika kê Miho yê Meyrik ra keyna Gênco ya. Adem lajê Hecî yê Sejik û Fatma Xelîlê ´Erkan. Rojbîyayena biradê ma Adem î 03.07.1945.

Laj û keynê biradê ma Zilkîf û Mîna: Dr. Erhan, dr.Bariş û Rojen. Zilkîf lajê Hecî yê Sejik û Fatma Xelîlê ´Erikan a. Mîna keyna xaldê ma Zilvî yê Xelîlê ´Erkana. Mîna bavika kê ´Erikan ra keyna Seher û Zilvî yê Xelîlê ´Erikana. Seher dewa Daxan ra ya. Rojbîyayena biradê ma Zilkîf î 10.03.1946 û 12.02.2010 di nêweşîya kanserî ra merdo.

Laj û keynê biradê ma `Evdila û Eyşi: Îbrahîm Xelîl, Mûrat, Mihemed, Orhan, Firat, Yilmaz, Sejik, Yildiz û Besra. Keyna jîn ya ewilî ki namê ja Sejik bî, yew serre ya xwi di nêweşî ra merda. Yildiz keyna biradê ma ´Evdilay ya ki 37 serra bî serra 1920 di nêweşîya kanserî ra merd. ´Eyşi, bavika Berkatan ra keyna Qasimî ya. ´Evdila lajê Hecî yê Sejik û Fatma Xelîlê ´Erikano. Rojbîyayena biradê ma `Evdilay 20.02.1951 û 20.10.1998 di qirîza  qelbî ra merdo.

Laj û keynê biradê ma Ehmed û Peykani: Azad (semedo ki Tirkîya di kurdî qedexe wo, nifusê tirkan di Özgür nûsîya wo), Welat û Özlem. Peykan dewa Bîrşînî ra keyna Musî û Sebêha ya. Mus datîzayê Xelîlê ´Erikano. Ehmed lajê Hecî yê Sejik û Fatma Xelîlê ´Erikano. Rojbîyayena biradê ma Ehmed î 10.05.1954.

Laj û keynê warda ma Xanik û Mihemed: ´Ewnî, Hejik, Remzîya, Fatma, Gulîstan Mihemed, Ehmed, Îbrahîm û Mistafa. Mihemed bavika kê `Elo yê Ciboyan ra lajê Hesenê Huso yê dergî yo. Xanik keyna Hecî yê Sejik û Fatma Xelîlê ´Erikan a. Rojbîyayena waya ma Xanik 22.01.1952.

Laj û keynê Mihemed û Hesîba: Çinî. Hesîba keyna ´emiza yê ma Hecî Qedrî û Metîha ya. Hesîba torna ´emda ma Meyrika. Metîha bavika kê Orîyan ra keyna Mihemedê Huso yê Momo ya. Mihemed lajê Hecî yê Sejik û Fatma Xelîlê ´Erikan o. Rojbîyayena biradê ma Mihemed î 01.01.1961.

Laj û keynê warda ma Xeyrîya û Lutfî: Mihemed, Mistafa, Hîvda û Rojda. Lutfî dewa Bîrsinra lajê ´Elî yê mala Zilvî yo. Mala Zilvî datîzay bawkalê ma Xelîlî ´Erikan o. Xeyrîya keyna Hecî yê Sejik û Fatma Xelîlê ´Erikan a. Rojbîyayena waya ma Xeyrîya 01.01.1962

Laj û keynê biradê ma Miherrem û Siltan: Dr. Cîgerxwîn, dr. Rohat, dr. Serhat, dr. Yusuf, dr. Rûken û Betul. Siltan dewa Omeran ra ya. Omeran dewa şaristanê Mardîn ya. Miherem lajê Hecî yê Sejik û Fatma Xelîlê ´Erikan o. Rojbîyayena biradê ma Miherrem î 01.01.1964.

Laj û keynê biradê ma Kemal û Fewzîya: Hêlîn, Robîn û Serhat. Fewzîya, keyna ´emiza yê ma Hecî Qedrî û Metîha ya. Fewzîya torna ´ema ma Meyrika. Kemal lajê Hecî yê Sejik û Fatma Xelîlê ´Erikan o. Rojbîyayena biradê ma Kemal î 03.10.1971

Şaxê hetê dat Zilkîf î

Laj û keynê Zilkîf û Zelêxan:  Zerik û Heznik. Zelêxan, dewa Şilbetan ra  malbata kê Mehmedî yê Hewa kerr ra ya. Dat Zilkîf birayê bawkalê ma Ehmedî yo û datê bawkalê ma `Evdila yo. Dat Zilkîf lajê bawkalikê ma Silêmanê Hemmano. Keynê dat Zilkîfî ´ema ma Heznik, dewa Heselm di, ´ema ma Zerik zî dewa Baxdeşt di zewjîya yê.

Laj û keynê ´ema ma Zerik û Ehmed Mihemed, Zilfo û Îsmet. Yew keyna jîni zî şenikey di merda. ´Ema ma Zerik keyna Zilkîfê Silêmanê Hemmana.

Laj û keynê ´ema ma Heznik û ´Ebas: Zilkif, Mistafa, Hesen û Xanik. ´Ema Heznik keyna Zilkîfê Silêmanê Hemmana.

  Şaxê hetê dat Mist î (Mistê Hemman)

Laj û keynê dat Mist û…: Alî, Huseyîn û Xanik. Namê cenîya dat Mistî çîyo ez nêzana, pîlanê bavika ma zî nêzana. Mistê Hemman, lajê bawkalikê ma Hemo yo.

Laj û keynê ´Elî û Fatma: Beyîk, Pîroz û Îzet. ´Elî lajê Mistê Hemmano.

Laj û keynê ´ema Beyîk û Mehmedî yê Xejiki: Hecî û Henik. Mêrdê ´ema Beyîk yo ´ewilî Mehmedî yê Xejiko. Mêrdê ´ema Beyîk yo didin Îbikê Berkatan o. Xejik keyna Îsikê Şero ya. ´Ema Beyîk keyna ´Elî yê Mistê Hemmana.

´Ema Pîroz. ´Ema Pîroz verê dewa Himbêlî di lajê´Usmanê Gotî ´Usmanî reydi zewjîyaya. Yew wextê do kilm ra pey Pîroz û Ûsman yewinî verradawo. ´Ema Pîroz û ´Usmanî ra gedey çinî. Dim ra ´ema Pîroz deşta Xanêgewran ra yew kirdasî rey di zewjîyaya.

Laj û keynê ´ema Pîroz û….: Mihemed, Esma, Xatûn, Remazan û Namet. ´Ema Pîroz keyna ´Elî yê Mistê Hemmana.

Laj û keynê Îzet û Fatma: Hamdî, Mihemed, Îhsan, Abdulhadî, Suleyman, Fewzî, Eyup û Fatma. Îzet lajê ´Elîyê Mistê Hemmano.

Laj û keynê Husyîn û Zilvîya: Bedran, Mihemed, Hecî Eskerî û Emîna. Huseyîn lajê Mistê Hemmano.

´Ema Emîna. ´Ema Emîna maya Mehmedî yê Qulûzî ya. ´Ema ma Emîna keyna Huseyînê Mistê Hemmana.

Laj û keynê Bedran û Sabîha: Murat, Sakîna, Burhan, Îbrahîm, Fîkret, Zilvîya, Sîbel û Xetîca. Bedran lajê Huseyînê Mistê Hemmano. Peyname jîn bi tirkî Deniz nûsîya wo.

Laj û keynê Mihemed û Zerîfe: Mettîn, Ferat, Celal, Zara, Helîma û Guler. Mihemed lajê Huseyênê Mistê Hemmano,

Laj û keynê Hecî Eskerî û Koçer: Mewdûwa û Sultan. Hecî Eskerî lajê Huseyînê Mistê Hemmano. Peynamê jîni bi tirkî Ersîn nûsîya wo.

Laj û keynê  ´ema Xanik: Henik. Xanik keyna Mistê Hemmana.

  Şaxê hetê dat Welî yo ki Palo dewa Terxenî do

Welî birayê bawkalikê ma Hemo yo. Bawkalikê ma Hemo teqrîben çarsey - ponsey serri ra ver dewa Terxene ra barkerdo şîyo dewa Himbêlî di bi ca bîyo. Dewa Himbêlî 10 km sînorê qeza Pîran î da. Peynamê (Soy isim) hetê kê dat Welî bi tirkî Erginöz nûsîya wo.

Laj û Keynê Welî û …: Mehme´Elî, Xidir û Welî (Sofî Sincar). Namê cenîya dat Welî çîyo ez nêzana? Namê may û pêrdê dat Welî û bawkalê ma Hemo´y çîyo ez nêzan, tornê dat Welî yê ki nika jîyenê û dewa Terxene dê yîni zî çewerî nêzana.

Laj û keynê Mehme ´Elî: Çinî. Mehme ´Elî ´ezebey di merdo. Mehme ´Elî lajê dat Welî yo û birazayê Bawkalikê ma Hemo yo.

Laj û keynê Xidir û …: Emîna. Namê cenîya Xidir î çîyo, ez nêzana? Xidir lajê dat Welî yo û birazayê bawkalikê ma Hemo yo.

Laj û keynê sofî Welî (Sofî Sincar) û…. : Mehme. Namê cenîda sofî Sincar ya ´ewilî çîyo ez nêzana. Dewijê dewa Terxenî û dewê dormî dat Welî ra vatê Sofî Sincar. Sofî Sincar lajê Welî yo û birazayê bawkalikê ma Hemo yo.

Laj û keynê sofî Welî (sofî Sincar) û Zerîfa: Fîdan, Fatma. Aysan, ´Eyşan, Zerîfe, Hewa û Beyaz. Zerîfa cenîya sofî Sincar ya didina. Sofî Welî (sofî Sincar) lajê dat Welî yo, birazayê bawkalê ma Hemo yo.

Laj û keynê sofî Mehme û Hewa: Sofî Cuma, Sofî Îbrahîm Xelîl û Sofî Mihemed. Mehme lajê sofî Welî (Sofî Sincarî) yo.

Laj û keynê sofî Îbrahîm Xelîl û Zuhre: Mihemed. Zuhre cenîya sofî Îbrahîm Xelîlî ya ´ewilî ya.

Laj û keynê sofî Îbrahîm Xelîl û Fatma: Nebat, Fatma, Mislî, Ehmed, Nejat, Muhuttin û Nîzamettin. Fatma cenîya sofî Îbrahîm Xelîl ya didina. Sofî Îbrahîm Xelîl lajê Sofî Mehme yo.

Laj û keynê sofî Mihemed û Zuleyha: Welî, Mihmed, Muhîttîn, Ehmed, Aydın, Isa, Ismaîl, Rabîya, Zeyneb, Hatîce, Xeyrîya. Sofî Mihemed lajê sofî Mehme yo.

Laj û keynê sofî Cuma û Xeyrîya: Hecî Ehmed. Xeyrîya cenîya sofî Cuma ya ´ewilî ya.

Laj û keynê sofî Cuma û Medine: Heci Mehmut, Hecî Mihemed, Heci Mistafa. Sofî Cuma lajê sofî Mehme yo. Medîna cenîya sofî Cuma ya didina.

Laj û keynê Heci Ehmed û Meymana: Heci Welî, Heci Ehmed, Îsmaîl, Salih, Ehmed, Duran û Leyla. Hecî Ehmed lajê sofî Cuma yo.

Laj û keynê Hecî Mehmud û Pakîza: Mihemed, Mistafa, Alî, Abdullhamîd, Cumalî, Berîvan, Remzîya, Ayşe, Mewlîda û Emîna. Hecî Mehmûd lajê sofî Cuma yo

Laj û keynê sofî Hecî Mihemed û Zekîya: Mihemed Alî, Sabîha, Hîkmet, Remziya, Fewzîya. Sofî Hecî Mihemed lajê sofî Cuma yo.

Laj û keynê Heci Mistafa û Fatma: Sîrac, Remazan, Mihemed Saîd, Abdurrahman, Mahmud, Furkan, Ayşa, Samîya, Mukkades û Medîna. Hecî Mistafa lajê sofî Cuma yo.

   Bavika kê `Erikan

1. Bavika kê ´Erikan yerlîyê dewa Himbêlî ya. ´Erik namê bavika hetê maya mi/ma Fatma ya. Peynamê bavik a kê ´Erikan bi tirkî Balik nûsîya wo.  Bekir, mala Zilvî û mala Osman biray yewbînanê. Çi sebep ra bîyo ez nêzana, mala Zilvî û mala Osman dewa Himbêlî ra barkerdo şîyê dewa Bîrsinî di bi ca bîyê, Bekir zî dewa Himbêlî di mendo. Pîlanê bavik namê may û pî yê Bekir, mala Zilvî û mala Osmanî çîyo çewerî nêzana. Peynamê hetê kê datîzanê bawkal Xelîl(pî marda mi) î mala Zilvî bi tirkî Aydenîz nûsîya wo.

   Laj û keynê Bekir û…: Huseyîn yo pîl. Namê cenîya Bekirî ez nêzana, pîlanê bavik zî çewerî nêzana.

   Laj û keynê Huseyîn yo pîl û ´Erik: Huseyînê ´Erikan, Xelîlê ´Erikan, ´Emmerê ´Erikan, Fatika´Erikan, Atika ´Erikan. Atik maya Hewik a Heydo ya. Fatik maya Sîrac, Sebrî û Ehmed Çekmakî ya. Huseyîn yo pîl lajê Bekir ê ´Erikano.

   Laj û keynê Huseyîn yo şenik û ….: ´Elî. ´Elî yê ´Erikan datîzayê marda mi/ma Fatma wo. Lajê Huseyînî dewa Heselm ra yew keyna remnaya girota berda şaristanê Şam yê Surîya. Yew midet ra pey, Huseyînê ´Erikan zî lajdê xwi ´Elî dima şîyo şaristanê Şam. Huseyînê ´Erikan û lajê xwi şaristanê Şam di verê mehela Salihlî di bi ca bîyê, yew midet ra pey şîyê mehela Ruknedîn di bi ca bîyê. Hetanî yew midet têkilîya bawkalê ma Xelîlê ´Erikan û biray jê Huseyînê ´Erikan yewbînan ra bîya. Maya ma Fatma hetanî ki merd zî fartanê malbata mara vatê wexta ki dewijê ma Cemalê Bekî (pîyê Zilvî Ozaydin) şibi Hec, şaristanê Şam di datê mi Huseyînê ´Erikan dîbi. Datê mi Huseyînê ´Erikan semedê malbata ma tay şahrî û mundî yê peşmênî yê rengênî daybî Cemalê Bekî. Cemalê Bekî wexta ki Hec ra hamebi dewi, şahrî û mûndî yê ki datê mi Huseyînê ´Erikan daybî bide ardbî daybî pêrdê mi Xelîlê ´Erikan. Yew midet ra pey têkelîya ma bi datê mi Huseyînê ´Erikan û lajê jê ´Elî ra birîyay. Aw wext ra heyanê nika, xebera ma datê mi Huseyinê ´Erikan û lajê jê ´Elî yê ´Erikan ra çinîya. Maya ma Fatma hertim ma ra vatênê, miheqeq tornê datê mi Huseyînê ´Erikan Şam di estê. Maya ma Fatma hertim bi hesreta veynayîş û xebergirotişê datê xwi Huseyînê ´Erikan bî. Huseyîn lajê Huseyînê ´Erikan yo pîlî yo.

   Laj û keynê ´Emmerê ´Erikan û Xanim: Selîm û Geyoy. ´Emmerê ´Erikan, lajê Huseyînê ´Erikan yo pîlî yo.

   Laj û keynê Selîm û Zeytik: Çinî. Zeytik, dewa Xeltûşkan ra ya. Selîm lajê ´Emmerê ´Erikano.

   Laj û keynê Geyo û Seîd: Ensarî, Hesen, Huseyîn, Mesut, Mistafa, Kedrî, Mihemed, Fatma, Nûray û Zeynep. Geyoy keyna ´Emerê ´Erikana. Seîd dewa Şêxmalan ra wo.

   Laj û keynê Xelîlê ´Erikan û Hewika Bektaşî: Hewik. Cenîya Xelîlê `Erikan ya ´ewilî ya. Hewik keyna Bektaşîya. Bektaş bavika kê Orîyan ra biray Momo yo. Xelîlê ´Erikan namê cenîya xwi Hewik keynada xwi ra zî nawo. Wexta ki Hewik cenîya Xelîlê ´Erikan merda Hewik a keyna Xelîlê ´Erikan der û dorê 15 serra bî ya. Hewik maya Mehme Seîd Yakutî ya. Rojbîyayena (dogum tarihi) bawkalê ma Xelîlê `Erikan  01.07.1887. Xelîlê ´Erikan pîyê marda ma Fatma yo. Xelîlê ´Erikan lajê Husyîn yo pîl yo..

   Laj û keynê Xelîlê ´Erikan û Xezal: Zilvî, Fatma, Zêroy û Zayda. Rojbîyayena dapîra ma Xezali 01.07.1894. Dapîra ma Xezali, dewa Şilbetan ra keyna Meyrik û Mehmedî ya. Dapîra ma Xezali cenîya Xelîlê ´Erikan ya didina. Fatma Hecî yê Sejik reyda zewjîyaya.

   Laj û keynê xalê ma Zilvî û ´ema ma Meyrik: Hewkoy û Fatma. Zilvî lajê Xelîlê ´Erikan û Xezal a. Zilvî birayê marda ma Fatma yo. Meyrik waya Hecî yê Sejika. Meyrik keyna Sejik û ´Evdila yê Ehmedê Silêmanê Hemman.

   Laj û keynê xalê ma Zilvî û Seher: Mîna. Mîna 12.01.1948 hama dinîya. Seher dewa Daxan ra ya. Seher cenîya xalê ma Zilvî ya didina.

   Zêroy: Zêroy verê Qasî reyda zewjîyaya. Qas merdo Zêro vistewrê xwi Hewmoy reyda zewjîyaya. Qas û Hemo lajê Refoy Qamîş î yê. Mi gedê yayîka ma Zêroy hetê bavika kê Qmîşan sero nûştê. Yayîka ma Zêroy, yew kesêda zaf bi xîret û bi cesaret bî û ti wext tahmûlê neheqey nêkerdênê. Yayîka ma Zêroy destê xwi di zaf jêyatî bî. Yayîka ma Zêroy 2003 di nêweşîya qanserî ra merd. Homa rehma xwi bi de biko, ruhê ja şabo, cennet di mîyanê gul û sosinan di bo. Wefatkerdişê yayîka mi Zêroy serra di aşmî vîyart, lajê ja Refo qelp qirizî ra merd. Refo keyna biradê ma Ademî,  Zilvîya rey di zewjîyayebi. Zêroy keyna Xelîlê ´Erikan û Xizal a. Zêroy waya marda m Fatma ya.

   Zayda(Zahîde): Rojbîyayena yayîka ma Zayda 1.7.1931. Yayîka ma Zayda, Mihemedê Liceyîjî reyda zewjîyaya. Zayda keyna Xelîlê ´Erikan û Xizal a. Zayda waya marda ma Fatma ya. Yayîka ma Zayda 30.4.2018 Amed di taştare ra pey merda. Yayika ma ya delalî 87 serrî ´emir kerd. Homa rehma xwi yayîka ma Zeyda biko, ruhê ja şad, cay ja cennet di mîyanê gul û sosinan di bo.

    

   Laj û keynê Zayda û Mihemedo Liceyîj: Fexriya, Ehmet, Gulseren, Mistafa, Ayşe û Nesrîn. Mihmed dewa Zengesor ra wo. Zengesor dewa qaza Lice ya.

    Bavikê dewa Himbêlî gor mehelan beş bîyê

   Bavikê ki mehela cêrî di bî: Bavika ´Ebasan, bavika Îboy Şemî û Mala Temirî.

   Bavikê ki mehela rojhilatî di bî: Bavika kê ´Elo yê Ciboyan, bavika Silêmanê Hemman.

   Bavikê ki mehela wertî di bî: Bavik a Qamîşan, bavik a Hacon (kê Husoy mamoy), bavik a Êloyan, bavik a Kerîmê Elo yê Mistê Seni, bavika Miho yê Meyrik(kê Gênco, Os û yê mala Ehmed), bavik a ´Evdoyan, yê Seyekî, yê mala Bekir, yê ´Elî yê Hesikan, yê bavik a Hewan, yê bavik a Dr. Xelîl, Camî ya dewi, yê Welî yê ´Usmanî û yê Heydoy.

   Bavikê ki mehela rojawanî di bî: Bavik a Berkatan, bavik a Zilvo yê Meyrik, bavik a Reşdê ´Elî yê Xani (Mehme ´Elî, Topalek).

   Bavikê ki mehela Corî di bî: Bavik a Mexsikan(kê Kêwan), bavika Mehmûdan (Aboyan), bavik a kê ´Ebo yê Hecî, bavik a Dawoy û bavika Xelîlê ’Erikan.

    

   Dewa Himbêlî di kesê ki bi namebê bavikanê xwi kêwatey (Muxtar) kerda

   Hesenê Momo yê ´Elî: Hesenî yew wextê do derg kêwateya dewa Himbêlî kerdo.

   Mala Temir Geneş: Wextê do derg dewa Himbêl di kêwatey kerda. Yew wext ra pey mela Temir kêwatey dewrê lajdê xwi Zilvî Geneş kerda. Zilvi Geneş zî yew wextê do derg kêwateya dewi kerda. Gor ki yeno vatiş ena bavik wexto ki kêwatey kerda him bi hukim û him zî bi qedir û qîmet bîya. Ena bavik dewanê dormî di yene şinasnayîş.  Dewa Himbêl di en hêgayê zaf ena bavik destbî. No badî Zilvî Geneş hêga yê xwi irotî bi dewijan.

   Ahmet Çakmak: Bavika ´Evdoyan ra wo. Ena bavik zî yew wext di dewa Himbêl di kêwatey kerda. Bavika ´Evdoyan dewa Himbêlî di bavika en zêdeya.

   Cafer Aslan, Zilvî yê Safik, heze leqmatik dewijan tira vatê (Ut) û Zilvî Aslan(Hurik): Enê hîrê kesî bavika kê kêwan ra yê. Ena bavik wextê do derg kêwateya dewa Himbêl î kerda. Verê Cafer Aslanî, dim ra Zilvî yê Safik, en peynî di zî Zilvî Aslan î kêwateya dewi kerda. Ena bavik zî wextê xwi di zaf bi qedir û qîmet bî. Bavika binkeya dewa Himbêlî ya. Dew di hejmara kesanê ena bavik zî zêdebî.

   ´Elî Kardaş: Bavika kê Berkatan ra wo. `Elî Kardaş, lajê Hewik û Heko yo. Ena bavik yew wextê do kilm kêwatey kerda.

   Zülfi Gencer: Bavika kê ´Ebasan ra lajê Şero yê Isikî yo. Ena bavik zî wextê do derg dewi di kêwatey kerda û bavikêda bi qedir û qîmet bî. Ena bavik zî dewanê dormî di yena şinasnayîş. Bavika Îsikan zî datîzayê bavika kê ´Elo yê Cibayan ê, (kê Qasoyana).

   ´Ebas Efe: Bavika kê ´Ebasan ra lajê Mihemedê Mihikî yo. `Ebas yew demê do kilm kêwatey kerda. Bavika ´Ebasan datîza yê bavika kê ´Elo yê Cibayan.

   Fehmîn Yakut: Bavika kê ´Elo yê Cibayan (kê Qasoyan) ra lajê Zilvî yê Mihemedê Qaso yo. Femîn î yew wextê do derg kêwateya dewi kerda û hema zî kêwateya dewi fertanê ena bavik desta. Femînî ra pey Hecî Yakut lajê ´Elî yê Mihemedê Qasoy kêwateya dewi kerda. Hecî ra pey Mihemed lajê Xeyrî yê Mihemedê Mihemedê Qasoy kêwateya dewi keno. Hejma ra kesanê ena bavik zî dewa Himbêl di zêdaya.