Hezê heme bavik û ´eşîrê kurdan bavikê dewa Himbêlî zî bindê tahda û zilmê dagirkeran di(de), bindê şertanê herê kemîyan û giranan di heta nika çand, ´edet û namê bavikanê xwi hemet kerdo.

Semedo ki namê bavikan û fertanê pîlanê dewa Himbêl î nêro xwi (xo) vîrîkerdiş û vinî nêpo, ez dekewta mîyanê hewldanan. Bi derfet û îmkananê zaf taynan mi dest bi nûştişê bavikanê dewa Himbêlî kerd. Heta ki mi dest ra heme bi telefon têkilî bi fertanê bavikan yê dewa Himbêl î di rona. Fartanê zaf bavikan yê dewa Himbêl î, bi kêfweşî derheqê bavika xwi di malûmat da mi. Qorê fertanê bavikan yê dewa Himbêlî derheqê bavikanê xwi di malûmat bi nûştiş mi rê erşawit.

Bavikê ki mi nêşêna têkilî bi jîn (yîn) dir rona, derheqê ay bavikan di mi zaf ardimeya dewijanê ma yê kesanê bi ´emran û yê nasan ra girot. Mi bi taybet Mihemed lajê Welî yê `Usmanî, Mihemed Mihmedê Qasoy û ´emizay mi mala Qedrî û Metêha keyna Mihemedê Huso yê Mamo ra ardimey girot. Mihemed lajê Welî yê ´Usmanî hatanî ki dest ra hamo verê tek tek pêwendî (têkilî) bi pîlanê bavikan yê dewijanê ma dir rona yo, qorin reyda ri bi ri ronişto, qorin ra zî bi telefon malûmat giroto.

Hema hema her şan Mehemedê Welî telefonê mi kerdo, ma têrayda bavikê dewa Himbêl î nûştê. Bavika ki ma nêşêna malûmat tira bigî, tenê fartê bavika kê Aboyana. Him mi, him Mihemed lajê Welîyê ´Usmanî bi telefon têkilî bi tay kesan yê bavika kê Aboyan di rona, ay kesan verê ma ra vat ma malûmat danê şima, dim ra ay kesanê ki soz dabi, ma ser di nêagêray, telefonê ma nêkerd, malûmat nêda. Gor ki ma faam kerd, ay kesan nêwaşt bavika xwi sero malûmat bidê. Ma gor zaneyana xwi û yê tay dewijanê ma yê bi ´emran, kemî bo zî, bavika kê Aboyan sero nûşto. Eg nûştişê bavika kê Aboyan di kêmaney bibo, kêmaneya ma nîya, kêmaneya kesanê bavika kê Aboyano ki nêwaşto malûmat bidê.

Ena kitab di mi tenê namê pîlanê fertanê bavikan yê dewa Himbêl î yê deraca yewin, didin, hîrin yê laj û keynê jîn nuştê. Eg mi tornê fertanê bavikanê dewa Himbêl î yê hemin binûştênê, ena kitab di ca nêmendênê.

Temîya mi wa bi fertanê bavikanê dewa Himbêl î yê ki dinîya dê û jîyenê, semedo ki zûret û namê pîlanê bavikanê jîni vîrî û vinî nêbo, wa her fertê bavikan berdewamê zûretê xwi tornanê xwi rê bi nûştiş binûsê, wa tornê yêni zî bi nûştiş namê bavikanê xwi berdewam bikê.

Hema hema heme kesê bavikê dewa Himbêl î ya hîrê ya zî çeher namê bawkalikanê xwi zanaynê. Hema hema heme fertê bavikanê dewa Himbêl î û ezî daxil, çewerî dereca çeher û poc û şeşin di namê dapîranê xwi nêzaynê, tenê namê bawkalikanê xwi zanaynê. Wexta ki mi nûştişê bavikanê dewa Himbêl î nûşt, peynî bide ard, mî veyna ki hema hema, heme bavikê dewa Himbêl î hete cenîyan ra xal û warêzayê yewbînanê.

Dewijê mi yê ercîyayey! Şima wexta ki bavikanê xwi wanenê hetê naman di eg kêmaney û şaşey veynê, miheqeq bi nûştiş ya zî bi telefon mi rê berşawê. Şaşîyey û kêmane yê ki estê ez sereraşt bika. Ki ma heme bavikê dewa Himbêl î sereraşt kerdî, dim ra ma dekenê şiklê kitap.

Şima hemin zerî ra hemêz kena, bi manê xêr û weşî di.

1. Bavika kê Ciboyan

Direh ra ´Ebas û Cibo peyda bîyê. Gor vatişanê pîlanê ena bavik, ´Ebas û Cibo biray yewînî. ´Ebas bawkalikê kê ´Ebasano. Cibo zî bawkalikê kê `Eloy Ciboyano. Rana gor vatişanê pîlanê ena bavik, vanê bavika ´Ebasan û Ciboyan şaristanê Wêranşeher ra verê hamê dewa Berva, Berva ra zî hamê dewa Himbêlî di bi ca bîyê. Enê wirdî biray çi wext hamê dewa Himbêlî di bi ca bîyê, bêlû nîyo. Mi hewil da ki bander ba, pîlînê ena bavik zî çewerî nêzana.

Semedê zanayîşî noto binate (bîlgi îçîn not)

Başûrê Kurdistanî (Irak Kurdistanê) di mentîqa Şînkawî di bi name Direh û Qamîş, di bavikî estê. Namê serokê enê wirdî bavikan Hecî Qadir Direho. Mentîqa Şînkawî di bi name Direh û Qamîş di dewî zî estê. Mentîka Şînkawî başûrê Kurdistanî sînorê Rojhilatê Kurdistanî da. Enê wirdî ´eşîrî bi ´eslê xwi Rojhilatê Kurdistnî (Iran Kurdistani) şaristanê Pîranşar ra hamê başûrê Kurdistanî(parçî hetê Iraqî) mentîqa Şînkawî di bi ca bîyê.

Wexta ki kes derheqê bavika Cipoyan di malûmat ra hewnîyeno, namê pîlê bavika Cipoyan zî Direho. Bavika Direh yê ki dewa Himbêlî di bi ca bîyê bêlkî ê zî yew qole bavika Direh yê ki nika başûrê Kurdistanî mentîqa Şînkawî di jîyan kenê. Mimkuno ki mîyanê wextî di herfa “P” ya şaristanê Pîranşarî bedilîyaya bîya herfa “W”, yanî name “Pîranşar” mîyanê wextî di bedilîyawo bîyo “Wêranşar”. Ya zî qolê ena bavik verê başûrê Kurdistanî mentîqa Şînkawî ra hamê şaristanê Wêranşar di bi ca bîyê, dim ra şaristanê Wêranşar ra hamê dewa Mervan, dewa Mervan ra zî şîyê dewa Himbêlî di bi ca bîyê.

Şaxê kê Ébasan

´Ebas namê bawkalikê kê ´Ebasano.

Laj û keynê ´Ebas û….: Miho. Namê cenîda ´Ebas yo ´ewil çîyo ez nê zana. Pîlanê ena bavik zî çewerî nêzana.  ´Ebas yo ´ewil lajê Direhî yo. Peynamê ena bavik bi tirkî yê qorin Gencer, yê qorin Efe û yê qorin Altindag nûsîya wo.

Laj û keynê Miho û….: ´Ebas û Îso. Namê cenîya Mihoy pîlanê ena bavik çewerî nêzana. Miho lajê ´Ebasê ´ewilî yo.

Laj û keynê ´Ebas û…: Mihik, Temo û Îsik. Namê cenîya ´Ebasî yê didin(2.cî) pîlanê bavik ra kes nêzana. ´Ebas yo didin lajê Miho yo.

Laj û keynê Mihik û Xanik: ´Ebas, Mihemed, Zibêda û ´Evdo. Mihik lajê ´Ebas yê didino. Zibêda cenîya Sihoy ya didina.

Laj û keynê ´Ebas û Hewik: Kamîla. Kamîla cenîya Husê Mehmedî ya. ´Ebas yo hîrin lajê Mihikî yo.

Laj û keynê Mihemed û Meymik: Mala Mihemed, Sidêq, ´Ebas, Zibêda û Henik. Mihemed lajê Mihikî yo. Meymik keyna Xanika kê Êloyana.

Laj û keynê ´Evdoy: Çinî. ´Evdo nêzewjîya wo. ´Evdo lajê Mihikî yo.

Laj û keynê Temo û….: ´Elî. Namê cenîya Temoy pîlanê malbati zî çewerî nêzana. Temo lajê Mihikî yo.

Laj û keynê ´Elî û Emik:  Mihemed û ´Ehmed (kerwa darik). Elî lajê Temo yo.

Laj û keynê Mihemed: Çinî. Mihemed nêzewîya wo. Mihemed lajê `Elî yo.

Laj û keynê Ehmed û Emîna: Temo û Mihemed. Ehmed lajê ´Elî yo. Emîna keyna Rezî ya.

Laj û keynê Temo û Kamîla: ´Elî, Weysî, ´Erqan, Serhat, Serdar, Nûray û Medîne. Temo lajê Ehmedî yo (kerwa darik). Pî yê Kamîla Çinar ra wo, name jê Şêxmûso.

Laj û keynê Mihemed û Henîfa: Mehme Zilîf, Weysel, Özlem û Özgür. Mihemed lajê Ehmedî yo (kerwa darik) Henîfa keyna Zilvî yê Şero ya.

Şaxê hetê kê Îsikî

Laj û keynê ´Ebas û Xemi: Îsîk. ´Ebas lajê Miho yo.

Laj û keynê Îsik û Husna:  Şero, Mihemed û Xejik. Îsik lajê ´Ebasî yo.

Laj û keynê Mihemed û Gewez: Hewik. Hewik cenîya Heko yê Berkatana.

Laj û keynê Şero û Gewezi: Şerîf. Gewezi cenîya Mihemedî ya. Miheme merdo, Şero cenîya birdê xwi Gewez girota. Gewezî cenîya Şeroy ya ´ewilîya. Gewezî keyna Qaso yê pîlî ya. 

Laj û keynê Şeroy û Hemmik:  Zilvî, Îso, Mihemed, Ehmed, Zilvik, Zelêxan û Medik. Hemik cenîya Şeroy ya didina.

Şaxê hetê kê Îsoy

Laj û keynê Îsoy û…: Şêxo û Ferho. Şêxo bawkalikê kê ´Evdirehmanano. Ferho bawkalikê kê mala ´Elî yo. Pîlanê bavik çewrî name cenîya Îsoy nêzana. Îso lajê Miho yo.

Laj û keynê Şêxo û….: Îbo, ´Evdirahman, Remezan (heze leqmatik dewijan tira vato Rez), ´Evdila û Hewik. Pîlanê bavik çewerî namê cenîya Şêxoy nêzana. Rez pîyê Emîna kerwa darikî yo. Hewik cenîya Hesenê Mamoy ya ´ewilî ya. Şêxo lajê Îso yo.

Laj û keynê Îboy: Çinî. Nêzewjîya wo, ´ezebey di merdo.

Laj û keynê´Evdilay: Çinî. Nêzewjîya wo.

Laj û keynê `Evdirahman û Êmîş: Qasim, ´Evdirahman, Ehmed û Şêxmûs. ´Evdirehman lajê Şêxo yo.

Laj û keynê Remazan(Rez) û Medik: Mensûr, Emîna û Mihemed (hezê leqmatik dewijan tira vatê Qîlo). Remezan lajê Şêxo yo.

Laj û keynê Ehmed û Zelêxan: Ehmed, Zelêxan, Îsmet, Mihemed, ´Evdila û Zilvîya.

Zelêxani keyna Şero yê Îsikî ya. Ehmed lajê ´Evdirehman yo pîlî yo.

Laj û keynê Şêxmûs û Zelêxan: Şêxo, Eskerî, Resûl, ´Eyşi û Bêzoy. Zelêxan dewa Barim ra ya. Şêxmus lajê ´Evdirehmanî yo pîlî yo.

Laj û keynê ´Evdirahman û Zilvik: Feyzî, Cimha, Xemsîya, Fatma û Aynur. Zilvik keyna Şero yê Îsikî ya. ´Evdirehman lajê ´Evdirehman yo pîlî yo.

Laj û keynê Qasim û Safîya: ´Evdila û Sêmik. Safîya cenîya Qasimî ya ´ewilîya.

Laj û keynê Qasim û Guli: `Ezo û Asîya. Guli cenîya Qasimî ya didina. Qasim lajê ´Evdirehmenî yo pîlî yo.

Laj û keynê Ferhoy û Beyaz: Mala `Elî û Zifqar. Ferho lajê Îso yo.

Laj û keynê Mala ´Elî û Gurcî: Mala Huseyîn, Ferho, Şewket, Zilvî, Zilvîya,

Saadet û´Eyşan. Ferho lajê Îsoy yo.

Laj û keynê Mala Huseyîn û Guli: Mehme ´Elî, Sîrac, Zilvî, Nebat, Beyaz, Hacîra û Xanoy. Guli, keyna ermenîyana. Mala Huseyîn lajê mala ´Elî yo.

Semedê zanayîşî noto binate(Bîlgî notu):

Împaratorê Osmanî Talat Paşa serri 1915 di fermanê qetlîyamê Ermenîyan veto. Dewleta Osmanîyan semedo ki qetlîyamê Ermenîyan di serbikûyo semedê hemwelatîyanê xwi ferman û fitwa veta, vato kam yew Ermenî bikşo şono cennet.

Wexta ki qirkerdena Ermenîyan dest bide bîyo, mentîqanê Kurdistanî di tay kurdanê bêaqilan şîyê bi eskeranê alayanê Hemîdan reyda Ermenî qetil kerdê. Tay kurdan zî mentîqan di qorê Ermenî qetlîyam ra xelisnayê.

Şarê dewa Himbêlî, yê extîyaran dayîm vatê, eskerê alayanê Hamîdî qiflê Ermenîyan ardbî mentîqa dewa ma û dewanê dormî di qetil kerdênê.

Tay mentîqanê Kurdistanî di dewijê dewanê dormî, şîyê mîyanê qiflê Ermenîyan ra cenî û keynê şenekî qetlîyam ra xelisnayê. Qorê kurdan cenî û keynê ermenîyan mîyanê qiflan ra girotê berdê keyandê xwi di limêtê, cenî û keyney verê kerdê musilman, dim ra cenî xwi sero û keyney zî lajandê xwi sero mare kerdê.

Dewijanê ma yê extîyaran vatê, eskerê alayanê Hemîdî qiflê Ermenîyan ardê yew mentîqa nizdîyê dewa Himbêlî yew Zagi verdi vindarnayê û dest bide kerdo tek tek Ermenî kiştê.

Dewijanê ma yê bi ´emran vatê dewijê dewa Himbêlî mala `Elî şîyo mentîqa ca wo ki eskerê alayanê Hemîdî qiflê Ermenîyan tek tek kiştinê fîstênê zeredê Zagi. Mala ´Elî vato, ana mekê, gunewo, gedan û cenîyan mekşê. Eno nabên di yew keyna 5-6 serra mîyanê qiflê Ermenîyan ra vejîya şîya xwi dekerdo binê qabûtê mala ´Elî. Mala ´Elî ena keyna Ermenîyan girota berda kêdê xwi, name ja Guli panawo. Mala ´Elî kêdê xwi di Guli pîl kerda, verê kerda musilman û dim ra lajdê xwi Mala Huseyînî ro mare kerda.

Rana, gor vatişanê extîyaran yê dewa Himbêlî, vatê wexta ki eskerê alayanê Hemîdî qiflê Ermenîyan ardîbî mentîqa dewa Himbêlî, dewijê ma Refo yê Qamîşan şîyo vernîda eskeranê alayanê Hemîdan, mîyanê qiflê Ermenîyan ra yew keyna girota berda keye. Refoy Qamîşî, namê ena keyna Ermenîyan Xatûn panawo. Refoy Qamîşî, xwi heti Xatûn pîl kerda, verê kerda musilman û dim ra lajdê xwi Zilvî ro mare kerda.

Rana, gor vatişanê extîyaran yê dewa Himbêlî, vatê wexta ki eskerê alayanê Hemîdî qiflê Ermenîyan ardbî mentîqa dewa Heselm, Zilvî pî yê Gêncoy şîyo vernîda alayanê eskeranê Hamîdîyan, vato cenîya mi merda, yew cenêki, ya zî yew keyna xorto bide mi, ez tedir zewjîyena. Sereskerê alayan yê Hamîdîyan qiflê Ermenîyan ra cenî û keyney abirnayê dayê yew kinar, kerdê têrêz, Zilvî ra vato ti xwi rê kamder begam kenê bigî. Zilvî pî yê Gêncoy yew cenêka ermenî mîyanê qiflî ra girota berda keye, verê dekerda musilman dim ra xwi sero mare kerda. Namê cenêka Ermenî Meyrema ya. Dim ra Zilvî pî yê Gêncoy name Meyrema bedilna wo kerdo Fati. 

Laj û keynê Ferho û Reşik: ´Ebas, Zilkîf û Xemsîya. Reşik cenîya Ferho ya ´ewilîya. Ferho lajê Mala ´Elî yo.

Laj û keynê Ferho û Kamîla: Nûrî, Nejmedîn, Zibêda û Qedrîya. Kamîla cenîya Ferhoy ya didina.

Laj û keynê ´Ebas û Nebat: Mihemed, Hecî, Yunus, Mistafa, Ehmed û Miherrem.

Laj û keynê Zilkîf û Safîya: Atîla, Hakan, Firat, Kadîr…..

Laj û keynê Nûrî û Elik: Hesen û Bîrgul. Elik cenîya Nurî ya ´ewilî ya.

Laj û keynê Nûrî û Melahat: Sedat, Vedat, Sevda, Çigdem û Dilek. Melahat cenîya Nurî ya didina.

Lal û keynê Nejmedîn û Atîye: Necattin, Bayram, Necla û Senem.

Laj û keynê Şewket û Fatma: Zilvi. Fatma cenîya Şewketî ya ´ewilî ya. Fatma waya Dawo ya. Dawo pî yê Nadirî yo.

Laj û keynê Şewket û Hacîra: Mehme Zilvî, Mehme Şewket, Remazan, Henifî, `Elî, Ehmed, Esma, Belqîz û Fexrîya. Hacîra cenîya Şewketî ya didina. Hacîra dewa Baxdeşt ra ya. Şewket lajê mala ´Elî yo.

Laj û keynê Zifqar û Hemmik: Cano, Huseyîn û ´Emer. Zifqar lajê Îso yo.

Laj û keynê Cano û Hewik: Neşat, Hecî û Henik. Hewik keyna ´Elî yê ´Evdo ya. Henik, cenîya Zilvî yê Şero ya. Cano lajê Zifqarî yo.

Laj û keynê ´Emer û Hewik: Zifqar û Hesen. Hewik keyna Atika. Atik waya Xelîlê ´Erikana.

Laj û keynê Huseyîn û Hewik: Zilvî (Zivik), Sêmik, Zînik û Fatma. ´Emer merdo, Huseyîn cenîya biradê xwi Hewik girota. Huseyîn lajê Zifqarî yo.

Laj û keynê Zilvî û Zeynoy: Eskerî, Mehme Huseyîn, Hesen, ´Ensarî, Eskerî yo şenik, Ehmed, Remzîya, Nacîya, Hewa, Zilvîya û Huznîya. Zeynoy, keyna Mehmûdê Abo ya. Zilvî lajê Huseyînî yo.

Laj û keynê Hesen û Hewkoy: Mihemed, Remazan, Hîşyar, Aydin, Mehdîn, Fatma, Ayten, Nûrguzel, Hesîba. Hewkoy cenîya Hesenî ya ´ewilî ya. Hewkoy keyna Zilvî yê Xelîlê ´Erikana.

Laj û keynê Hesen û Besra: Hewa, Cumalî û Yusuf. Besra cenîya Hesenî ya didina. Hesen lajê ´Emerî yo.

Laj û keynê Zifqar û ´Eyşan: Hammik, Sidêqa, Hemze, Baba(Omer). `Eyşani cenîya Zifqarî ya ´ewilî ya.

Laj û keynê Zifqar û Zibêda: Zibêda, Berat, Hesret, Rûşen, ´Eyşegul, Suleyman û Saît. Zibêda cenîya Zifqarî ya didina. Zifqar lajê ´Emerî yo.

Şaxê kê `Eloy Ciboyan (kê Qasoyan)

Direh ra Cibo peyda bîyo. Peynamê ena bavik yê hemin bi tirkî Yakut nûsîya wo.

Laj û keynê Ciboy û….: ´Elo. Pîlanê bavik çewrî namê cenîya Ciboy nêzana. Cibo lajê Direhî yo.

Laj û keynê ´Elo û Beyîk: Heso û Qaso. ´Elo lajê Cibo yo. Beyîk keyna Qamîşa ya.

Laj û keynê Heso û Canoy: Huso derg, Mehme ´Elî, Reş, Beyîk, Zelêxan û Zilvik. Zilvik, maya Nadirê Dawo ya. Zelêxani maya Mihê kê Êloyana. Canoy kê Êloyan ra ya. Heso lajê ´Elo yo.

Laj û keynê Husoy dergî û  Kinik: Hesen, Kezîban û Canoy. Huso derg lajê Heso yo.

Laj û keynê Hesen û ´Eyşoy: Ehmed, Mihemed, Kinik, ´Ewnî û Hewa.

Laj û keynê Ehmed û Xanim: İsmail, Hüseyin, Naci, Ramazan, Mehmet, Aysel, Berîvan Gürselen, Remziye, Berçem û Rojda.

Laj û keynê Mihemed û Xanik: ´Ewnî, Hejik, Remzîya, Fatma, Gulîstan Mihemed, Ehmed, Îbrahîm û Mistafa. Xanik keyna Hecî yê Sejik û Fata Xelîlê ´Erikan a.

Laj û keynê ´Ewnî: Çinî, ´Ezebê di merdo.

Laj û keynê Mehme ´Elî û Xanim: Siho, ´Evdo û Beko. Mehme ´Elî lajê Heso yo.

Laj û keynê Siho û Hewik: Mehme Seîd. Hewik keyna Xelîlê ´Erikana. Hewiki cenîya Siho ya ´ewilîya.

Laj û keynê Mehmed Seîd û Esma: Mihemed, Ehmed, İbrahim, Mistafa, Mihemed ´Elî, Pakiza, Münewer û Şükran. Esma keyna Şewketê mala ya.

Laj û keynê Siho û Zibêda: Xanik, Zelêxani û Kinik. Zibêda cenîya Siho ya didina. Zibêda waya Mihemedê Mihikî ya.

Laj û keynê Sihoy û Xemsîya: Zibûn û Mihemed Cemîl. Xemsîya keyna Ferho ya, cenîya Siho ya hîrina. Sijo lajê Mehme ´Elî yo.

Laj û keynê Mihemed Cemîl û Yaşar: Bülend, Bilal, Berna, Bahar û Bîlge.

Laj û keynê Bekoy û Kevot: Selîma, Emîn û Şerîfa. Beko lajê Mehme ´Elî yo.

Laj û keynê Emîn û Remzîya: Remazan, Neslîhan û Bekir.

Laj û keynê´Evdo û Xatûn: ´Evdila, Sebrî û Şêxmûs. ´Evdo lajê Mehme ´Elî yo.

Laj û Keynê ´Evdila û Meyram: Semiha, ´Eziz, Fatma, Gulper, Gulseren, Gulten, Veysî, Ferîde û Çigdem. Meyrem, keyna Os û ´Eyşa

Laj û keynê Sebrî û Zilvîya: Şefik, Mihemet, Nigar, Akif, Zeynep, Alî, Ehmet, Xatûn, Mistafa, Recep û Şahîn. Zilvîya keyna Momoy Êlo ya.

Laj û keynê Şêxmûs û Şarîfa: Remzîye, Yaşar, Mihemed, Rabîa û Umran. Şerîfa keyna Beko ya.

Laj û keynê Reş û Elik: Reşîd, Kevot û Xatûn. Reş lajê Heso yo.

Laj û keynê Reşîd û Kinik: Zibêda. Kinik keyna Suho ya. Cnîya Reşîdî ya ´ewilî ya. Reşîd lajê Reş î yo.

Laj û keynê Reşîd û Eloy: Yaşar, Ayşe û Remzîya. Elik keyna Ermenîyana. Elik cenîya Reşîd ya didina.

Laj û keynê Qasoy û Besik: Wisiv, Mihemed, Hewik, Gewez û Fatma. Besik dewa Kotekan ra ya. Hewik, maya ´Evdila yê Ehmedê Silêmanê Hemmana. ´Evdila pî yê Hecî yê Sejiko. Gewezi maya Şerîfê Şero yê Îsikîya. Fatma maya ´Ebasê Şilbetijî ya. Qaso lajê ´Elo yo.

Laj û keynê Wisiv û ´Ereb: Şerîf, Mistafa, Îbo, Zilviki û ´Eyşoy. Ereb dewa Memelan ra ya. Wisiv lajê Qaso yo.

Laj û keynê Şerîf û Mîtik: Zilvîya, Zilkîf, Besik, Feyzî, Mihemed, Xanim û Fatma. Mîtik keyna Refo yê Qamîşî ya. Mîtik cenîya Şerîf ya ´ewilîya.

Laj û keynê Şerîf û Fati: Dilşa û Saliha. Fati dewa Bînok ra keyna Sabîtî ya. Şerîf lajê Wisivê Qaso yo.

Laj û keynê Mistafa û ´Eyşik: Xanik, Mihemed, Ehmed, Weyso, Cemal, Hewkoy, Îbrahîm û Gewez. ´Eyşik dewa Şilbetan ra keyna Sefo yê Melo ya. Mistafa lajê Wisivê Qaso yo.

Laj û keynê Îboy û Kezîbani: Qasim, Perik, Îbrahîm, Bîrgul, Songul û Hedîya. Kezîbani keyna Husoy dergî ya. Îbo lajê Wisivê Qaso yo.

Laj û keynê Mihemedê Qaso û Xanik: Zilvî û Xemsîya. Xanik, keyna ´Ebo yê Bêzara. Mihemed lajê Qaso yo. Xanik cenîya Mihemedê Qaso ya ´ewilî ya.

Laj û keynê Zilvî û Zerik: Femîn, Xanik, Sidêq û Zêroy. Zerik, cenîya Zilvî ya ´ewilî ya. Zerik keyna Mihemedî ya. Mihemed datîzayê xal Kerîm û dapîra mi Sejiko. 

Laj û keynê Zilvî û Kevot: Mehme Zilvi, Xemsîya, Eskerî, Mistafa, Hesîp û Şefîk. Kevot cenîya Zilvî ya didina. Kevot dewa ´Eyneto ra ya. Zilvî lajê Mihemedê Qaso yo.

Laj û keynê Mihemed û Beyîk: Qaso, ´Elî, Mihemed, Cembelî û Zêroy. Beyik cenîya Mihemedê Qaso ya didina. Beyîk waya Husoy dergî ya. Mihemed lajê Qaso yo pîlî yo.

Laj û keynê Qasoy û Emoy: Zilkîf, Mehme Şerîf, ´Ensarî, Remazan, Zelêxan, Xemsîya û Seboy. Qaso lajê Mihemedê Qaso yo. Emoy dewa Baxdeşt ra ya.

Laj û keynê ´Elî û Xemsîya: Eskerî, ´Ezê, Sêvo, Cemoy, Abubekir, Mihemed, Hecî, Ehmo û Heso. ´Elî lajê Mihemedê Qaso yo. Xemsîya dewa Zîlan ra ya.

Laj û keynê Mihemed û Hewkoy: Emîna, Xeyrî, ´Eyşan, Hesen, Fatma, Sebîha, Xanim û Metîha. Hewkoy keyna Cemalê Bekî ya. Mihemed lajê Mihemedê Qaso yo.

Laj û keynê Cembelî û Fati: Ehmed, Harûn, Miheme, Abdulsemet, ´Elî, Zeynep û Fatma. Fati keyna Zilvî yê Şêxmûsî ya. Cembelî lajê Mihemedê Qaso yo.

Değerli ve kiymetli köylülerim! Bavıklerinizi okuduğunda isimlerde yanlış yada eksiklik görürseniz, muhakak bana yazılı yada telefon ederek bildirin. İsimlerdeki yanlış ve eksikleri düzeltikten sonra kitaplaştıracağım. Bavıklerinizin en büyük ferti kimse varsa fotografinı onuda bana günderin ki kitapta herbavıkın bir resmi olsun. Selam ve sevgilerimle hepînîzî candan kucaklarim. Tel 0046 73 722 33 98 Memed Heyva sor (Mihemedê Hecî yê Sejik)

1. Bavika kê Heydoy   ile devam edecek…..